سرکاری حج اخراجات کے حوالے سے کیا خوشخبری سنا دی گئی ؟

اسلام آباد: وفاقی وزارت مذہبی امورنےسرکاری حج اخراجات میں کمی کی نوید سنا دی۔ایڈیشنل سیکرٹری وزارت مذہبی امورڈاکٹرعطا الرحمن نے ایک انٹرویو میں کہا ہے کہ عازمین حج کیلئے45 سے 50ہزارروپےتک ریلیف ممکن بنانے کی کوشش ہے۔

انہوں نے کہا کہ پاکستانی کرنسی مزید گراوٹ کا شکارنہ ہوئی توفائدہ پاکستانی عازمین کومنتقل کر یں گے۔انہوں نے کہا کہ سرکاری حج سکیم کےتحت عازمین حج کو45 سے 50 ہزارروپےکی کمی ممکن ہوسکےگی۔

انہوں نے کہا کہ سعودی حکومت سےمذاکرات کرکےحج پیکیج کوسستا کرنےکی کوشش کررہےہیں۔ انہوں نے کہا کہ کوشش ہےشمالی ریجن کیلئےحج پیکیج 11 لاکھ 75 ہزارسے11لاکھ 30 ہزاراور جنوبی ریجن کیلئے 11لاکھ 65 ہزارسے11 لاکھ 20 ہزارتک دستیاب لایا جائے۔