کراچی : سندھ پروفیسر لیکچرارز ایسوسی ایشن نے امتحانات آؤٹ سورس کرنے اور ای مارکنگ کیخلاف عدالت سے رجوع کرنے کا اعلان کردیا۔
سندھ پروفیسر لیکچرار ایسوسی ایشن کے وفد نے ای مارکنگ کے معاملے پر چیئرمین انٹرمیڈیٹ بورڈ سے ملاقات کی۔ جمعرات کے روز سپلا کے وفد نے انٹرمیڈیٹ بورڈ کے چیئرمین سے پروفیسر ڈاکٹر سعید الدین سے ان کے دفتر میں ملاقات کی۔ وفد میں مرکزی صدر پروفیسر منور عباس مرکزی سوشل کلچرل اینڈاکیڈمک سیکرٹری پروفیسر رسول قاضی،کراچی ریجن کی خاتون نائب صدر پروفیسر شبانہ افضل, ضلع کیماڑی کے نائب صدر پروفیسر سید جنید علی اور پروفیسر اسد امین شامل تھے۔
ملاقات میں سپلا کے مرکزی صدر نے واضح کیا کہ ہم جددت کے خلاف نہیں اور نہ ہی ای مارکنگ کے عمل کے خلاف ہیں، ہمارا بنیادی اختلاف سندھ کے آٹھوں تعلیمی بورڈز کو آؤٹ سورس کرنے پر ہے۔
وفد نے واضح کیا کہ ہم سمجھتے ہیں کہ یہ فیصلہ ایک ایسے وقت میں کیا جا رہا ہے جب امتحانات میں چند ہفتے ہی باقی رہ گئے ہیں۔ اس عمل سے بچوں کا مستقبل داؤ پر لگنے کا خطرہ محسوس ہو رہا ہے۔
سپلا نے مطالبہ کیا کہ آئندہ ہفتے باقی اساتذہ تنظیموں کے ساتھ مل کر سندھ ہائی کورٹ سے رجوع کریں گے۔
سپلا کے وفد نے چیئر مین بورڈ کی توجہ فیل ہونے والے امیدواران کے مسئلے کی جانب دلائی اور چیئرمین بورڈ نے واضح اعلان کیا کہ وہ تمام فیل طلبہ جنہوں نے پرانی کتاب سے پرچے دیے تھے ان کے پرچے بھی اسی پرانی کتاب سے ہی لیے جائیں گے۔
نوٹ: آپ اپنی خبریں، پریس ہمیں ای میل zaraye.news@gmail.com پر ارسال کرسکتے ہیں، علاوہ ازیں آپ ہمیں اپنی تحاریر / آرٹیکل اور بلاگز / تحاریر / کہانیاں اور مختصر کہانیاں بھی ہمیں ای میل کرسکتے ہیں۔
