گوگل کا پاکستانیوں کیلئے 5لاکھ ڈالر کے اسکالرشپس کا اعلان

اسلام آباد : عالمی مقبول سرچ انجن گوگل نے بلوچستان کے نوجوانوں کو ایک ہزار اسکالرشپ دینےکا اعلان کردیا۔
کوئٹہ میں گوگل حکام، محکمہ تعلیم اور محکمہ محنت و افرادی قوت کے نمائندوں نے گوگل کیرئیر سرٹیفکیٹ کے معاہدے کی یادداشت پر دستخط کئے۔ گوگل بلوچستان کے نوجوانوں کو 5 لاکھ ڈالر مالیت کے ایک ہزار سکالر شپ فراہم کرے گا۔
معاہدے کے تحت گوگل پراجیکٹ مینجمنٹ ، ڈیجیٹل مارکیٹنگ ، آئی ٹی سپورٹ، ایڈوانس بزنس انٹیلی جنس، سائبر سیکورٹی اور ڈیزائننگ کے شعبوں میں نوجوانوں کو تربیت فراہم کرے گا۔
چیف سیکرٹری بلوچستان نے کہا اسکالرشپ حاصل کرنے والے نوجوانوں کو گھروں میں بیٹھ کر جدید ٹیکنالوجی کے ذریعے نوکریوں کے مواقع ملیں گے ،چیف سیکرٹری نے گوگل کو کوئٹہ میں بھی اپنا دفتر کھولنے کی تجویز دی۔