برسلز : دنیا کی مقبول ترین شارٹ ویڈیو سٹریمنگ ایپ سنیپ چیٹ میں چیٹ جی پی ٹی پر مبنی آرٹی فیشل انٹیلی جنس (اے آئی) ٹیکنالوجی ٹول متعارف کرا دیا۔
رپورٹ کے مطابق مائی اے آئی نامی چیٹ بوٹ کچھ عرصے پہلے سنیپ چیٹ پلس میں متعارف کرایا گیا تھاجو ماہانہ فیس ادا کرنے والوں کے لئے دستیاب سروس ہے، مگر آئندہ چند ہفتوں کے اندر یہ نیا ٹول سنیپ چیٹ کے تمام صارفین کو دستیاب ہوگا۔
اس بات کا اعلان سنیپ چیٹ کے چیف ایگزیکٹو آفیسر ایوان اسپیگل نے کیا, یہ نیا اے آئی ٹول سنیپ چیٹ بنیادی طور پر باتیں کرنے والا ساتھی ہے جو صارفین کو اے آر لینسز تجویز کرے گا اور مختلف تصاویر پر ردعمل ظاہر کرے گا۔
یہ ٹول ایک بٹ موجی اواتار کی شکل میں صارفین کو نظر آئے گا اور کسی انسان کی طرح بات چیت کرے گا۔
بتایا گیا ہے کہ مائی اے آئی سنیپ چیٹ کے میپ فیچر کے مقامات کیلئے بھی تجاویز فراہم کرے گا۔
اسنیپ چیٹ کی جانب سے پہلا جنریٹیو اے آئی فلٹر بھی متعارف کرایا ہے جسے کاسمک لینس کا نام دیا گیا ہے۔
(مانیٹرنگ ڈیسک/نیٹ نیوز)
