کراچی : گورنرسندھ کامران خان ٹیسوری ترکیہ پہنچ گئے جہاں سے وہ امریکا کے دورے پر بھی روانہ ہوگئے۔
اپنے دورہ ترکیہ اور امریکا کے دوران پاکستانی کمیونٹیزکے وفود سے ملاقاتیں بھی کریںگے،کامران ٹیسوری آئی ٹی ٹریننگ کے حوالے سے لیپ ٹاپ کی خریداری کیلئے امریکا میں مختلف کمپنیوں کے نمائندوں سے ملیں گے۔گورنر طاقتورپاکستان پروگرام کیلئے مخیر حضرات سے تعاون کی درخواست بھی کریں گے۔
علاوہ ازیں کامران ٹیسوری کی جانب سے گورنرہاؤس میں عوام کیلئے ڈنراور قوالی کا اہتمام کیا گیا،عوام کی بہت بڑی تعداد اس موقع پرموجود تھی،مرحوم امجد صابری کے صاحبزادے مجدد امجد صابری نے اپنے والد کا کلام سنا کرسماں باندھ دیا،افضل صابری نے بھی اپنی پرفارمنس سے عوام کو محضوظ کیا۔
گورنرسندھ نے کہا کہ آج کی تقریب کا مقصد عوام کو تفریح کا موقع فراہم کرنا ہے،عملی طورپرگورنرہاؤس کے دروازے عوام کیلئے کھولنے پر فخرہے،سحری میں عوام کے درمیان جانیکا مقصد ان کی دلجوئی تھا،سیکیورٹی خطرات کے باوجود عوام میں جانا ترک نہیں کیا،عوام سے رابطوں کا سلسلہ جاری رکھوں گا۔
