کراچی: مبینہ طور پر اغوا اور زیادتی کا نشانہ بنائے جانے کے بعد قتل کیے جانے والے 10 سالہ بچے کی لاش سٹی کورٹ کے باہر سڑک سے برآمد کرلی گئی۔
حکام کے مطابق بچے کی لاش کو پوسٹ مارٹم کے لیے سول ہسپتال منتقل کیا گیا۔
سٹی کورٹ پولیس کے عہدیدار محمد یاسر نے دعویٰ کیا کہ نامعلوم مشتبہ افراد نے بچے کو کسی دوسرے مقام پر قتل کیا اور پھر اس کی لاش کو کپڑے میں لپیٹ کر یہاں چھوڑ گئے۔
انہوں نے کہا کہ مقتول بچے کی عمر لگ بھگ 10 سال ہے تاہم فوری طور پر اس کی شناخت معلوم نہیں کی جاسکی۔
سول ہسپتال کے پولیس سرجن ڈاکٹر قرار احمد عباسی نے ڈان کو بتایا کہ بچے کو قتل سے قبل زیادتی کا نشانہ بنایا گیا۔
ان کا کہنا تھا کہ بچے کو زیادتی کے بعد بظاہر گلا دبا کر قتل کیا گیا، کیونکہ اس کی گردن پر نشانات موجود ہیں۔
بشکریہ ڈان نیوز
