کراچی: شہر قائد کے علاقے گلشن اقبال میں نجی اسکول کی عمارت کو سندھ بلڈنگ کنٹرول اتھارٹی کے عملے نے غیر قانونی قرار دے کر سیل کر دیا ہے۔
اسکول انتظامیہ کا کہنا ہے کہ عمارت کو غیر قانونی قرار دے کر سیل کیا گیا ہے، جبکہ ڈائریکٹر اسکول کی ہدایت پر تحقیقات کے لیے تین رکنی کمیٹی قائم کر دی گئی ہے۔
ذرائع کے مطابق بچے اسکول پہنچے تو عمارت سیل دیکھ کر اسکول کے باہر فٹ پاتھ پرہی بیٹھ گئے۔
اسکول انتظامیہ کا کہنا ہے کہ اسکول سیل کرنے سے پہلے کوئی نوٹس نہیں دیا اور نہ ہی پہلے کوئی وارننگ دی گئی،اس موقع پر گرمی کے باعث اسکول کا ایک طالب علم بےہوش ہوگیا۔
دوسری جانب ڈائریکٹر اسکول کی ہدایت پر تحقیقات کے لیے تین رکنی کمیٹی قائم کر دی گئی ہے۔ کمیٹی میں رجسٹرار پرائیوٹ اسکولز انسٹیٹیوشنز رفیعہ ملاح سمیت 3 افراد شامل ہیں۔
ڈپٹی ڈائریکٹر پرائیوٹ اسکولز انسٹیٹیوشنز عبد الرزاق قاضی کے مطابق ایس بی سی اے کے خلاف کارروائی کی درخواست کریں گے۔ اسکول بغیر نوٹس کے سیل کیاگیا۔
