کراچی: سنئیر صحافی سید فیصل حسین کے مطابق بزرگ شہری کو معافی قبول کرنے پر مجبور کیا گیا جب ڈاکٹر عمران شاہ ان کے گھر سے چلے گئے تو ایکسپریس نیوز کے رپورٹر راحیل سلمان نے ان سے پوچھا کہ کیا آپ نے تحریک انصاف کے رکن اسمبلی عمران شاہ کو معاف کردیا۔
سوال سُن کر بزرگ شہری داؤد چوہان کی آنکھیں نم ہو گئیں کہنے لگے “میں سرکاری ملازم ہوں میں ان لوگوں سے نہیں لڑسکتا یہ بڑے لوگ ہیں میں ان سے کیسے قانونی جنگ لڑونگا” یہ کہا اور وہ پھر اپنے گھر کے اندر چلے گئے۔
تحریک انصاف کے نومنتخب رکن صوبائی اسمبلی عمران علی شاہ کے ہاتھوں تشدد کا نشانہ بننے والے شہری نے انہیں معاف کردیا تاہم شہری کا کہنا ہے کہ انہیں کیوں مارا گیا اس کا ابھی تک علم نہیں۔
https://zaraye.com/pti-another-drama-flopped/
تحریک انصاف کے رکن صوبائی اسمبلی رات گئے اس شہری کے گھر پہنچے جسے انہوں نے دن دیہاڑے سڑک پر تشدد کا نشانہ بنایا تھا جس کی ویڈیو منظرعام پر آنے کے بعد پی ٹی آئی نے ان کے اس اقدام پر نوٹس لیا۔
تحریک انصاف کے رکن اسمبلی عمران شاہ کی شہری کے گھر آمد، عمران اسماعیل کا شہری کو فون
دباو بڑھنے کے بعد شہری داود چغتائی کا قانونی چارہ جوئی نہ کرنے کا اعلان #DrImranShah #ImranAliShah pic.twitter.com/hIE6uGmvcM
— ذرائع نیوز (@ZarayeNews) August 14, 2018
عمران علی شاہ نے شہری داود چوہان سے اپنے کیے کی معافی مانگی جس پر انہوں نے یہ کہہ پر معاف کردیا کہ ‘اگر کوئی میرے گھر پر آئے تو اسے میں خالی ہاتھ واپس نہیں کرتا’۔
داود چوہان کا کہنا ہے کہ عمران علی شاہ کے مقابلے میں، میں غریب شخص ہوں اور قانونی چارہ جوئی نہیں کرسکتا اس لیے معاملہ چیئرمین تحریک انصاف عمران خان پر چھوڑتا ہوں۔
کراچی: نارتھ ناظم آباد سے پی ٹی آئی کے نو منتخب رکن اسمبلی عمران شاہ کا شہری پر تشدد pic.twitter.com/21TBU07qqH
— ذرائع نیوز (@ZarayeNews) August 14, 2018
تشدد کا نشانہ بننے والے شہری نے مزید کہا کہ انہیں اب تک معلوم نہیں کہ عمران علی شاہ نے انہیں کیوں تشدد کا نشانہ بنایا۔
یاد رہے کہ گزشتہ روز سوشل میڈیا پر ایک ویڈیو وائرل ہوئی تھی جس میں تحریک انصاف کے رکن صوبائی اسمبلی عمران علی شاہ کو کراچی کے علاقے اسٹیڈیم روڈ پر شہری پر تشدد کرتے ہوئے دیکھا جاسکتا تھا۔
اگر کوئی غریبوں پر ظلم کرے گا تو مجھے یہ برداشت نہیں، ڈاکٹر عمران نومنتخب رکن اسمبلی تحریک انصاف کا وضاحتی بیان pic.twitter.com/oipou7VFlx
— ذرائع نیوز (@ZarayeNews) August 14, 2018
ویڈیو وائرل ہونے اور پی ٹی آئی کی جانب سے شوکاز نوٹس لیے جانے کے بعد عمران علی شاہ کا ایک ویڈیو پیغام بھی منظرعام پر آیا جس میں ان کا دعویٰ تھا کہ انہوں نے شہری کو اس لیے مارا پیٹا کیوں کہ اس نے ایک غریب موٹرسائیکل سوار کو بار بار اپنی گاڑی سے ہٹ کیا تھا۔
