اسلام آباد: وزیر مملکت برائے داخلہ نے دعویٰ کیاہے کہ وزیر اعظم عمران خان سے ایران کے ایک مرحوم رہنما ہاشمی رفسنجانی کی فون پر بات چیت ہوئی ہے ۔
شہریار آفریدی نے یہ بات کوئٹہ میں ہزارہ برادری کے دھرنے میں گزشتہ روز بیٹھ کر کی، انہوں نے انتہائی وثوق کے ساتھ نام لے کر پر اعتماد لہجے میں دعویٰ کیا۔
یاد رہے کہ ایران کے سابق صدر ہاشمی رفسنجانی دو سال قبل 2017 وفات پاچکے ہیں ، ان کی وفات آٹھ جنوری 2017کو ہوئی تھی لیکن وزیر مملکت برائے داخلہ شہر یار آفریدی نے صحافیوں سے گفتگو کرتے ہوئے کہا کہ وزیر اعظم اب ایران جارہے ہیں اورکچھ عرصہ قبل ان کی فون پر رفسنجانی سے تفصیلی بات چیت ہوئی تھی اور اب وہ اس معاملے پر مزید گفتگو کریں گے۔
شہریار آفریدی کی ویڈیو سامنے آنے کے بعد لوگوں نے اُن کے دعوے کا خوب مذا بنایا اور انہیں ٹویٹر فیس بک پر بتایا کہ رافسجانی دو سال قبل انتقال کرچکے ہیں۔
