لاہور: مسلم لیگ ن کے رہنما اور سابق وفاقی وزیر داخلہ چوہدری نثار پنجاب اسمبلی کی نشست سے کامیاب ہوئے اور انہوں نے احتجاجاً حلف نہیں اٹھایا تاہم اب اُن کے وزیراعلیٰ پنجاب بننے کے امکانات روشن ہوگئے، یاد رہے کہ اُن کی اس وزارت کے لیے مسلم لیگ ن سے بھی لڑائی ہوئی جس نے بعد میں شدت اختیار کرلی تھی۔
چوہدری نثار نے گزشتہ دنوں راولپنڈی میں اہم شخصیات سے ملاقاتیں کیں، مقتدر حلقوں کی نظر میں وہ وزیراعلیٰ پنجاب کے سب سے موضوع امیدوار ہیں، ذرائع نے یہ بھی خبر دی کہ وہ علاج کی غرض سے لندن جائیں گے جہاں وہ شہبازشریف سے اہم ملاقات کریں گے اور پھر اپنے مستقبل کا باقاعدہ اعلان کریں گے۔
چوہدری نثار نے مسلم لیگ ق سمیت شہبازشریف سے بھی رابطہ کیا اور وہ اب سیاسی میدان میں ایک بار پھر متحرک نظر آرہے ہیں، ذرائع کا کہنا ہے کہ انہیں وزیراعلیٰ یا وزارتِ داخلہ پنجاب کا عہدہ دینے کی بات چیت طے ہوگئی، اگر چوہدری نثار کو عثمان بزدار کی جگہ لایا جاتا ہے تو وزیر داخلہ سردار بزدار کو بنایا جائے گا۔
https://zaraye.com/nisar-advice-to-imran-khan/
مسلم لیگ ق نے بھی پنجاب کابینہ میں ممکنہ ردوبدل کو دیکھتے ہوئے ایک بار پھر ترپ کا پتہ پھینکتے ہوئے شہباز شریف سے رابطے کیے تاکہ مزید وزارتیں مل سکیں البتہ چوہدری شجاعت نے رابطوں کی تردید کردی۔
https://zaraye.com/ch-nisar-again-on-screen/
ذرائع کے مطابق شہباز شریف نے لندن میں موجود مسلم لیگ ق کے سربراہ کو پیغام بھیجا کہ ’’ماضی کی تلخیوں کو بھلا کر آگے بڑھنے کا وقت ہے‘‘۔
