محرم الحرام، فرقہ وارانہ ہم آہنگی برقرار رکھنے کے لیے ایم کیو ایم کا زبردست اقدام
متحدہ قومی موومنٹ پاکستان کے سینئر ڈپٹی کنوینر عامر خان کی معروف عالم دین علامہ حسن ظفر نقوی سے انکی رہائش گاہ پر ملاقات اس دوران مختلف موضوعات پر تبادلہ خیال کیا گیا بالخصوص عشرہ محرم میں فرقہ وارانہ ہم آہنگی کو برقرار رکھنے کیلئے تعاون پر اتفاق کیا گیا اس موقع پر عامر خان کا کہنا تھا کہ ایم کیو ایم پاکستان اپنی ماضی کی روایات کو برقرار رکھتے ہوئے عزادار تنظیموں سے رابطے میں رہے گی اور یہ ہم سب کی اجتماعی ذمہ داری ہے کہ نا پسندیدہ عناصر پر نظررکھیں مجالس اور جلوسوں میں عزادار تنظیموں کے ہمراہ ایم کیو ایم پاکستان کے کارکنان اور ذمہ داران بھی موجود رہینگے۔اس موقع پر علامہ حسن ظفر نقوی نے کہا کہ ایم کیو ایم پاکستان نے ہمیشہ اتحاد بین المسلمین کی بات کی ہے اور شہر کے امن میں ایم کیو ایم پاکستان کا بہت بڑا مثبت کردار رہا ہے۔اس موقع پر اراکین رابطہ کمیٹی عبدالحسیب،عادل خان، علماء کمیٹی سے انچارج جاوید احمد اور عارف شاہ بھی موجود تھے
