کراچی:ایڈمنسٹریٹر کراچی ڈاکٹر سید سیف الرحمن نے شنگھائی میونسپل گورنمنٹ کی جانب سے کراچی میں بارشوں اور سیلاب سے متاثر ہونے والے انفرا ا سٹرکچر کی بحالی کے لئے2 کروڑ 17 لاکھ روپے کا عطیہ دینے پر شنگھائی کے میئر اور چین کی حکومت کا شکریہ ادا کیا ہے۔
بلدیہ عظمیٰ کراچی کے دورے پر آئے ہوئے چین کے قونصل جنرل Mr. Li Bijianسے ملاقات کے موقع پر ایڈمنسٹریٹر کراچی نے کہا کہ شنگھائی میونسپل گورنمنٹ کی جانب سے عطیہ کے طور پر دی گئی رقم کراچی کی ترقی اور انفراسٹرکچر کی بحالی پر خرچ کی جائے گی،
قبل ازیں چین کے قونصل جنرل Mr. Li Bijianنے شنگھائی میونسپل گورنمنٹ کی طرف سے دیا گیا چیک ایڈمنسٹریٹرکراچی کے حوالے کیا اور کہا کہ بارشوں کے بعد متاثر ہونے والے کراچی کے انفراسٹرکچر کی بحالی کے لئے شنگھائی کے شہریوں اور بلدیہ کی طرف سے یہ ایک تحفہ ہے۔
