لاہور: پاکستانی گلوکار عاطف اسلم نے ایک بار پھر مداحوں کا دل جیت لیا۔عاطف اسلم کی ایک ویڈیو سوشل میڈیا پر وائرل ہورہی ہے جس میں وہ شادی کی تقریب میں گانا گارہے ہیں لیکن پھر اچانک ہی رٴْک جاتے ہیں۔ویڈیو میں دیکھا جاسکتا ہے کہ گلوکار گانا گاتے ہوئے رٴْکے اور پھر خاتون فوٹوگرافر سے کیمرہ لیا اور ان کی فوٹو کھینچ ڈالی۔
تصویر لینے سے قبل عاطف نے کہا ‘لاؤ کیمرہ دو ، تم سب کی تصاویر کھینچتی ہو،میں تمہاری تصویر کھینچوں گا ۔ عاطف اسلم کے اس عمل پر خاتون فوٹوگرافر نے کہا کہ ‘وہ اس تصویر کو فریم کروائیں گی ۔گلوکار کی وائرل ویڈیو کو مداحوں کی جانب سے خوب سراہا جارہا ہے۔
کسی نے عاطف اسلم کو کنگ عاطف اسلم قرار دے دیا تو کسی نے انہیں خوبصورت دل والا انسان کہا۔
