کراچی : سندھ حکومت نے ایک بار پھر بلدیاتی انتخابات کرانے سے معذرت کرلی۔اس سلسلے میں سندھ حکومت کی جانب سے الیکشن کمیشن کو خط لکھا گیا ہے۔
خط کے مطابق سکیورٹی فورسز کی دستیابی تک بلدیاتی انتخابات کا دوسرا مرحلہ موخر کیا جائے, چیف سیکرٹری سندھ کی زیر صدارت اجلاس میں سیکرٹری الیکشن کمیشن بھی شریک تھے۔ اجلاس کے شرکاء کو سیاسی رہنماؤں اور کارکنوں کو درپیش سکیورٹی خدشات سے آگاہ کیا۔
وفاقی حکومت فوج اور رینجرز کی پولنگ سٹیشنز پر تعیناتی سے معذرت کرچکی ہے جبکہ حالات کا تقاضا ہے کہ پولنگ سٹیشنز پر فوج اور رینجرز کی موجودگی یقینی بنائی جائے۔
الیکشن کمیشن کا اہم اجلاس طلب کرلیا گیا ہے جبکہ سیکرٹری الیکشن کمیشن نے کراچی اجلاس کی تفصیلات کمیشن کو بھجوادی ہے۔
ذرائع کا کہنا ہے کہ تمام اسٹیک ہولڈرز کی آرا کا جائزہ لیا جائے گا جبکہ سندھ حکومت کی انتخابات ملتوی کرنے کی درخواست پر الیکشن کمیشن غور کرے گا۔ چیف الیکشن کمشنر کی زیرصدارت ہنگامی اجلاس میں ممبران اور متعلقہ افسران شریک ہوں گے۔
