اسلام آباد: وفاقی وزیرداخلہ رانا ثناء اﷲ نے کہا ہے کہ جنرل باجوہ اور جنرل فیض حمید عمران خان کو سہولت کاری فراہم کرتے تھے، لانگ مارچ نئے آرمی چیف کی تعیناتی میں مداخلت کیلئے تھا، اب اس کا کوئی سہولت کار نہیں ہے تو پاگل ہوا پڑا ہے۔
انہوں نےایک انٹرویو میں کہا کہ فواد چودھری، اعظم سواتی یا شیخ رشید پر حکومت نے کیسز نہیں بنائے۔ لانگ مارچ کا گندنئے آرمی چیف کی تعیناتی کیلئے کیا جارہا تھا۔26نومبر تک یہ ناچتا رہا، اسلام آباد پر جو حملہ آور ہوا، اسلام آباد کو بند کرنا چاہتا تھا، یہ سب آرمی چیف کی تعیناتی سے متعلق تھا،جنرل باجوہ ریٹائرڈ نہیں ہونا چاہتے تھے، لیکن جب نئے آرمی چیف آگئے تو پھر جانا ہی تھا، لانگ مارچ کے پیچھے بڑے مذموم مقاصد تھے، یہ ملک کو تباہی کی طرف لے کر جانا چاہتے تھے، قوم جنازے اٹھا رہی ہے جبکہ وہ سیاست کرنے پر تلا ہوا ہے۔ اس سے قبل وزیر داخلہ رانا ثنا اﷲ نے کہا ہے کہ آصف زرداری پر قتل کی سازش کا الزام لگانے پر عمران خان کو بھی طلب کیا جاسکتا ہے۔
انہوں نے کہا کہ جو شیخ رشید کے ساتھ ہوا وہ ہرگز انتقامی سیاست نہیں ہے ، ہم گرفتاریاں نہیں کرنا چاہتے ، مگر بیانات کے ذریعے جو دہشت گردی پھیلائی جارہی ہے وہ بھی تو ختم ہونی چاہیے۔پشا ور دھما کہ کی ذمہ داری ٹی ٹی پی نے قبو ل کی ہے ، دھما کے میں افغانستا ن کی سر زمین استعما ل ہوناخارج ازامکان نہیں۔
