کراچی : چیف جسٹس سندھ ہائیکورٹ احمد علی ایم شیخ نے سندھ ہائیکورٹ کی سیکورٹی کی صورتحال پر اجلاس طلب کیا۔اس موقع پر سیکورٹی سے متعلق اجلاس میں شرکت کے لیے آئی جی سندھ غلام نبی میمن سیکریٹری داخلہ سندھ سعید احمد منگنیجو اور رینجرزسمیت دیگر حکام نے اجلاس میں شرکت کی اجلاس میں فیصلہ کیا گیا ہے کہ عدالتوں کی سیکیورٹی میں اضافہ کیا جائے گا۔
نوجوانوں کمانڈوز اہلکاروں کو سیکیورٹی پر لگایا جائے گا،سندھ ہائیکورٹ کی دیواروں اور اعتراف کا جائزہ لیا جائے۔
آئی جی سندھ غلام نبی میمن نے میڈیا سے گفتگو کرتے ہوئے کہا کہ ہم ٹیکنالوجی بیس سیکیورٹی پر توجہ دے رہے ہیں دنیا بھر میں سیکیورٹی کے مسائل ٹیکنالوجی کی مدد سے حل کیا جارہا ہے ہم نے حکومت سندھ کو ٹیکنالوجی بیسڈ تجاویز دی تھیں حکومت سندھ نے کافی تجاویز پر کام کردیا کبھی کبھی سیکیورٹی کے مسائل وسائل کی کمی بھی آڑے آتی ہے ۔
شیخ رشید کی گرفتاری اور ٹریفک پولیس اہلکار کو تھپڑ مارنے والی خاتون کی گرفتاری سے متعلق سوال کا جواب دینے سے آئی جی سندھ نے دونوں سوالوں کا جواب دینے سے گریز کیا اور کہا کہ آج سیکیورٹی کی میٹنگ تھی سیکورٹی پر بات ہوگی ۔
