کراچی: کراچی میں پیپلزبس سروس کے تحت چلائی جانے والی ریڈ بس میں عدم برداشت کا واقعہ،ریڈ بس کے ڈرائیور اور کنڈیکٹرنے داؤد یونیورسٹی کے پروفیسرپرتشددکرکے شدیدزخمی کردیا۔
داؤد یونیورسٹی کے پوسٹ گریجویٹ ڈیپارٹمنٹ میں بطور ڈائریکٹر تعینات پروفیسر ڈاکٹر عاطف جمیل کا اپنے ویڈیو بیان میں کہنا ہے کہ وہ اپنے گھر کلفٹن سے یونیورسٹی کے لیے ریڈ بس میں سوارہوئے اورکنڈیکٹر کو کرائے کے لیے 10 روپے کے 5 نوٹ دیے جس پرکنڈیکٹر نے ایک نوٹ واپس کرتے ہوئے کہاکہ دوسرا نوٹ دیں اس پر ٹیپ لگی ہوئی ہے۔
ڈاکٹر عاطف جمیل نے ایک ہزار کے نوٹ کا کھلا نہ ہونے کا کنڈیکٹر کو بتایا جس پرکنڈیکٹرسیخ پا ہوگیا کہ اورکہا کہ 10 روپے دیں ورنہ یہیں اتار دیں گے اورتلخ کلامی پر کنڈیکٹر نے ڈرائیور کے ساتھ مل کر تشدد کا نشانہ بنایا۔
ڈاکٹر عاطف نے وزیر اعلی سندھ سے مدد کی اپیل کرتے ہوئے ریڈ بس کے ڈرائیور اور کنڈیکٹر کے خلاف سخت ایکشن لینے کا مطالبہ کیا ہے۔
