خیبرپختونخوا کے بالائی علاقوں میں شدید برفباری کا سلسلہ جاری ہے جبکہ مالا کنڈ ڈویژن کے علاقے چم گڑھئی میں 8 گاڑیاں پھنس گئیں ہیں جن کو نکالنے کا عمل جاری ہے۔
اسسٹنٹ کمشنر بحرین نے بتایا کہ چم گھڑئ میں 8 گاڑیاں پھنس چکی ہے ضلعی انتظامیہ الرٹ ہے ، رات کو کالام اور بحرین کے درمیان امدروفت پر پابندی ہے، دونوں طرف سے ٹریفک بند کیا ہے اور تیز برفباری جاری ہے۔
انہوں نے بتایا کہ بحرین اور کالام کے درمیان 12ٹریکٹر صفائی کا کام کر رہے ہیں، مسلسل برفباری ہو رہی ہیں لوگ غیر ضروری سفر سے اجتناب کریں۔
اسسٹنٹ کمشنر بحرین نے بتایا کہ نیشنل ہائی وے اتھارٹی اور ضلعی انتظامیہ روڈ پر موجود ہے، چین کے بغیر سڑک پر آنے والی گاڑیوں کیخلاف قانونی کارروائی جاری ہے کیونکہ یہ کسی بھی وقت حادثے کا باعث بن سکتی ہیں۔
