کراچی:ڈیفینس کےعلاقے میں دو دریا کے قریب سرکاری گاڑی کو خوفناک حادثہ پیش آیا جس کے نتیجے میں کار ڈرائیور جاں بحق ہوگیا جس کی گردن تن سے جدا ہوگئی ۔
پولیس حکام کا کہنا ہے کہ حادثے کی شکار گاڑی کلیکٹر کسٹمز فیصل بخاری کی ہے جو حادثے کے وقت گاڑی میں موجود نہیں تھے۔کلکٹر کسٹمز کی گاڑی ڈرائیور چلارہا تھا اس دوران گاڑی میں بچی بیٹھی تھی جو حادثے میں معجزانہ طورپرمحفوظ رہی۔
حادثے کے مقام پر ریسکیو عملہ اور پولیس نے لفٹر کی مدد سے حادثے کی شکار گاڑی سڑک سے ہٹادی ہے جب کہ ڈرائیور کی لاش کو اسپتال منتقل کردیا گیا۔
