لاہور :لاہور ہائیکورٹ میں انٹرنیٹ سروس اور سوشل میڈیا ایپس کی بندش کیخلاف درخواست سماعت کیلئے مقررکردی گئی ۔
زرائع کے مطابق جسٹس عابد عزیز شیخ ایڈووکیٹ ابوذرسلمان نیازی کی درخواست پر سماعت کریں گے ۔
درخواست میں موقف اختیا رکیاگیاہے کہ عمران خان کی گرفتاری پر ملک بھر میں انٹرنیٹ سروس معطل کردی گئی ۔
انٹرنیٹ سروس معطل کرنا بنیادی حقوق کی خلاف ورزی اورقانون کے منافی ہے ۔
ٹوئٹر، فیس بک، یوٹیوب سمیت دیگر سوشل میڈیا ایپس کو بھی بند کردیاگیا۔
درخواست میں استدعا کی گئی ہے کہ عدالت ملک بھر میں انٹرنیٹ سروس سوشل میڈیا ایپس بحال کرنے کا حکم جاری کردے۔
