اسلامی جمعیت طلبا نے فلسلطینی مسلمانوں سے اظہار یکجہتی کیلیے 1000 فٹ طویل پرچم لہرا کر حماس کی حمایت کا اعادہ کیا ہے۔
اسلامی جمعیت طلبہ فلسطین کے مسلمانوں کے ساتھ اظہار یکجہتی کرنے کے لیے طارق روڈ پہ مظاہرہ کیا جس میں کارکنان کی بڑی تعداد شریک ہوئی۔ مظاہرے سے ناظم کراچی اسلامی جمعیت طلبا بلال جمیل نے خطاب کیا۔
انہوں نے کہا کہ بیت المقدس میں کسی اسرائیلی قبضے کو ہرگز برداشت نہیں کریں گے، بیت المقدس ہمارے ایمان کا حصہ ہے، حماس نے محض جذبہ جہاد سے اسرائیل پر حملہ کیا اور اسرائیل کو پیچھے ہٹنے پر مجبور کیا، ہم یہ بات ان تک پہنچانا چاہتے ہیں کہ ان کے پاکستانی بھائی ہر لمحے فلسطنیوں اور حماس کے ساتھ ہیں۔
انہوں نے کہا کہ حماس نے اج ثابت کیا ہے کہ جذبہ شوق شہادت ہر دنیاوی اسلحے ، دنیا کی ہر ٹیکنالوجی پر بھاری ہے، بیت المقدس میں نماز پڑھنا ہماری دلی تمنا ہے۔
