شہر قائد میں جہاں ایک طرف مسلح باوردی پولیس اہلکار لوٹ مار کی وارداتوں میں ملوث پائے جا رہے ہیں تو وہیں دوسری طرف خواتین پولیس اہلکار بھی بھتہ وصولی اور موٹر سائیکل چوروں کے گینگ کو آپریٹ کر رہی ہیں۔
تفصیلات کے مطابق ایس ایس پی عرفان بہادر نے ایک روز قبل گیسٹ ہاؤسز میں غیر قانونی چھاپے مار کر گیسٹ ہاؤسز مالکان سے بھتہ لینے میں ملوث لیڈی ایس ایچ او شازیہ ميمن کو معطل کیا تھا۔
دوسری جانب حال ہی میں اینٹی وہیکل لفٹنگ سیل نے ناظم آباد سے 2 موٹر سائیکل لفٹرز کو گرفتار کیا جنہوں نے ابتدائی تفتیش میں انکشاف کیا کہ ان کی سرپرستی اے وی ایل سی میں تعینات ایک لیڈی ہیڈ کانسٹیبل کرتی ہے۔
ملزم کے اعترافی بیان کے بعد اے وی ایل سی حکام نے کسی قسم کی کوئی گرفتاری نہیں کی۔
