ساتویں جماعت کی طالبہ کی اسکول کی عمارت سے کود کر خودکشی کی کوشش

کراچی: کراچی کے علاقے بلدیہ ٹاؤن کی مدینہ کالونی میں مبینہ طورپر ساتویں جماعت کی طالبہ نے اسکول کی عمارت سے کود کر خودکشی کی کوشش کی جسے ناکام بنادیا گیا۔

پولیس کے مطابق واقعہ بلدیہ ٹاؤن کے علاقے مدینہ کالونی میں کریسنٹ پبلک اسکول میں پیش آیا۔مبینہ طورپرساتویں جماعت کی طالبہ لائبہ فاروق نے اسکول کی عمارت سے کودنے کی کوشش کی جسے علاقہ مکینوں نے بچالیا۔

خودکشی کی کوشش کرنے والی بچی کریسنٹ اسکول کی طالبہ ہے، 13 سالہ بچی نے مبینہ طور پر گھر پر بھی خودکشی کی کوشش کی تھی۔

پیر کے روز اسکول میں شام کے وقت بچی کی جانب سے دوبارہ خودکشی کی کوشش کی گئی۔علاقہ مکینوں کی جانب سے عقلمندی کا مظاہرہ کیا گیا۔

اسکول کی چھت پر پہلے بچی کا ہاتھ پکڑا اور پھر اوپر کی جانب کھینچ لیا۔علاقہ مکینوں کے مطابق نامعلوم وجوہات کی بنا پر بچی نے انتہائی قدم اٹھایا۔پولیس واقعہ کی تحقیقات کررہی ہے۔

اپنا تبصرہ بھیجیں: