کراچی (ویب ڈیسک) کراچی میں بڑی تبدیلی، رات گئے لیاقت آباد کے مکین ایم کیو ایم کے خلاف سڑکوں پر آگئے، مظاہرین نے جلسہ نامنظور اور ایم کیو ایم نامنظور کے نعرے لگا دیئے۔
لیاقت آباد کے مکین متحدہ پاکستان کے خلاف بینرز اور پلے کارڈز اٹھائے سڑکوں پر نکل آئے، مختلف مقامات پر مظاہروں میں خواتین بھی شریک تھیں، مظاہرین نے نعرے بازی کرتے ہوئے اپنا فیصلہ بھی سنا دیا۔
مظاہرین نے سوال کیا کہ ایم کیو ایم والوں کو پانچ سال بعد مہاجروں کی یاد کیسے آگئی ؟ پارٹی رہنما جانبدارانہ مردم شماری پر خاموشی کیوں رہے۔
دوسری جانب متحدہ کے سینئر ڈپٹی کنونیئر عامر خان نے شہر میں آویزاں کیے جانے والے بینرز پر تبصرہ کرتے ہوئے کہا ہے کہ یہ کام کرنے والے دن میں کر کے دکھائیں رات کے وقت ڈرپوک لوگ اس طرح کی حرکتیں کرتے ہیں۔
خبر کو عام عوام تک پہنچانے میں ہمارا ساتھ دیں، صارفین کے کمنٹس سے ادارے کا کوئی تعلق نہیں ہے۔
