کراچی: گلشن اقبال بلاک 6 میں لینڈ مافیا نے سرکاری اسکول پر قبضا کرنے کیلیئے عمارت کو تالا لگادیا، ڈھائی ماہ کی تعطیلات ختم ہونے کے بعد دوسرے روز سڑک پر تدریسی عمل جاری ہے۔
تفصیلات کے مطابق گلشن اقبال کے علاقے بلاک 6 میں واقع گورنمنٹ علی محمد اقبال ایلمینٹری اینڈ سیکنڈری اسکول کو لینڈ مافیا کے کارندوں نے تالہ ڈال دیا۔
آج صبح جب عملہ اور طالبہ اسکول پہنچے تو دروازہ بند تھا جس کے بعد انہوں نے نے سڑک پر تدریسی عمل شروع کر دیا ۔
ہیڈ ماسٹر طارق کا کہنا ہے کہ بااثر افراد نے کروڑوں کی مالیگ بتانے کے لیے اسکول کو اسلحے کے زور پر بند کروایا، اسکول 25 سال سے سرکار کی ملکیت میں قائم ہے۔
اساتذہ اور طالباء کے والدین نے قانون نافذ کرنے والے اداروں سے اپیل کی ہے کہ وہ مدد کریں اور ہیڈ ماسٹر نے جان کی امان کے لیے بھی قانون نافذ کرنے والے اداروں سے تحفظ کی بھیک مانگ لی۔
دوسری آئی جی سندھ امجدجاوید سلیمی نے گلشن اقبال میں واقع سرکاری اسکول پر باثر افراد کے قبضہ اور ذیرتعلیم طلباء کو تعلیمی سال خراب کرنیکی دھمکیوں کے حوالے سے میڈیا رپورٹس پر نوٹس لیتے ہوئے ڈی آئی جی ایسٹ کو فوری طور پر جملہ انسدادی وحفاظتی اقدامات کرنے اور اس ضمن میں تمام تر انکوائری پر مشتمل رپورٹ ارسال کرنیکے احکامات دیئے ہیں۔
خبر کو عام عوام تک پہنچانے میں ہمارا ساتھ دیں، صارفین کے کمنٹس سے ادارے کا کوئی تعلق نہیں ہے۔
