لاہور: ملکی عدلیہ کی تاریخ کے پہلے نابینا سول جج یوسف سلیم نے اپنی تعیناتی کے بعد پہلے 3 ماہ میں 20 کیسز کے فیصلے کر دیے۔
ملکی عدلیہ کی تاریخ کے پہلے نابینا جج کی شاندار کارکردگی سامنے آنے لگی، نابینا سول جج یوسف سلیم نے اپنی تعیناتی کے بعد پہلے 3 ماہ میں 20 کیسز کے فیصلے سنائے انہوں نے پہلے ہی ماہ میں تیز ترین ٹرائل کر کے 5 کیسز کے فیصلے کیے۔
نابینا سول جج کو عدلیہ کی تاریخ میں پہلی بار 20 جنوری 2019 کو تعینات کیا گیا تھا، نابینا سول جج یوسف سلیم نے اس موقع پر کہا کہ ایمانداری سے لوگوں کو انصاف کی فراہمی ممکن بناتا رہوں گا۔
