نیوز ایکشن کمیٹی کے کنونیئر عمیر علی انجم نے کہا ہے کہ پبلک نیوزسےملازمین کی جبری برطرفیاں اورتنخواہوں کی کتوٹی پرشدیدالفاظ میں مذمت کرتے ہیں۔ مالکان خوف خدارکھتے ہوئے ورکرز پررحم کریں، اگر ملازمتیں بحال نہ کی گئیں یا اس کا کوئی حل نہ نکالا گیا تو لائحہ عمل بنایا جائے گا۔
کراچی (اسٹاف رپورٹ) پبلک نیوز سےجبری برطرفیوں اور ورکرز کو بیروزگارکرنےکےاس عمل کی سخت الفاظ میں مذمت کرتے ہوئے گزشتہ روز نیوز ایکشن کمیٹی کا ہنگامی اجلاس کنونیرعمیرعلی انجم کی سربراہی میں این اےسی سیکریٹریٹ میں منعقدہوا۔ جس میں میڈیا کی مجموعی صورتحال پر تفصیلی بات چیت کی گئی۔
نیوز ایکشن کمیٹی کے کنوینر عمیر علی انجم نے کہا کہ میڈیا ورکرز کے ساتھ مالکان کاتضحیک آ میزرویہ ناقابلِ برداشت ہے نیوزایکشن کمیٹی نے تمام صورت حال پرمیڈیا ہاؤسز کے مالکان سے بات چیت کی لیکن جو وعدے مالکان نے کئے تاحال وہ وفاکی معراج نہیں پاسکے، اداروں سے صحافیوں کو روزانہ کی بنیادپر نوکریوں سے فارغ کرنے کا یہ سلسلہ نہیں رکا تو نیوزایکشن کمیٹی جلد اپنے لائحہ عمل کااعلان کرتےہوئے میڈیا ہاؤسز اورمالکان کے خلاف گرینڈ احتجاج کرےگی۔
