مصر کے سابق صدر اور جاسوسی کے الزام میں گرفتار محمد مرسی دورانِ حراست انتقال کرگئے، عام طور پر حراست میں انتقال کو ماورائے عدالت قتل بھی کہا جاتا ہے۔
‘رائٹرز’ کے مطابق مصر کے سرکاری ٹی وی کی رپورٹ میں کہا گیا کہ عدالتی کارروائی کے بعد 67 سالہ محمد مرسی بے ہوش ہوگئے اور کچھ دیر بعد انتقال کر گئے جبکہ خبر ایجنسی ‘اے پی’ کی رپورٹ میں کہا گیا کہ عدالت میں محمد مرسی کے خلاف جاسوسی کے مقدمے کی سماعت جاری تھی۔ عدالتی ذرائع کا کہنا تھا کہ وفات سے قبل محمد مرسی کو پنجرے نما سیل میں بند کرکے عدالت میں پیش کیا گیا تھا، انہوں نے جج سے تقریباً 20 منٹ تک بات کی، اس کے بعد وہ بے ہوش ہوگئے جس پر انہیں ہسپتال لے جایا گیا جہاں وہ دم توڑ گئے۔
