راولپنڈی: ڈی جی آئی ایس پی آر نے نوجوان بلاگر محمد بلال خان کے قتل کی سخت ترین الفاظ میں مذمت کردی۔
تفصیلات کے مطابق دو روز قبل اسلام آباد میں قاتلانہ حملے میں جاں بحق ہونے والے محمد بلال خان کے قتل پر تقریبا سب ہی لوگوں نے شدید الفاظ میں مذمت کی اور انصاف فراہم کرنے کا مطالبہ کیا۔
ڈی جی آئی ایس پی آر میجر جنرل غفور نے بلاگر بلال خان کے قتل کی مذمت کرتے ہوئے کہا کہ کچھ افراد معاملے پر بیرونی میڈیا کا ایجنڈا فالو کرتےہوئے ملکی اداروں پر بے بنیاد الزامات لگا رہے ہیں۔
Brutal killing of Muhammad Bilal Khan is condemnable. So is ill intended propaganda to implicate state agencies by few individuals and certain segment of western media. May Allah bless his soul. Aamen. https://t.co/QHXqDSyQVr
— Asif Ghafoor (@peaceforchange) June 18, 2019
اسلام آباد سے تعلق رکھنے والے نامور بلاگر کو وفاقی دارالحکومت میں خنجر کے وار سے قتل کیا گیا جبکہ اُن کے بھائی واقعے میں زخمی ہوئے۔ بے باکانہ انداز سے لکھنے والے بلال خان کے قتل پر سوشل میڈیا صارفین سرآپا احتجاج ہوئے اور انہوں نے مطالبہ کیا ہے کہ اس واقعے میں ملوث عناصر کو کیفرکردار تک پہنچایا جائے۔
بلال خان نے اپنے قتل سے چار گھنٹے قبل فیس بک پر پوسٹ کی تھی جس کے بعد انہیں کچھ دوستوں کا فون آیا اور وہ اپنے بھائی کے ہمراہ چچا کی موٹرسائیکل لے کر اُن سے ملنے کے لیے گئے۔ دائیں بازو کی سوچ کے حامل بلاگر کے قتل پر بائیں بازوں کے لوگوں نے بھی آواز بلند کی اور انصاف کی فوری فراہمی کا مطالبہ کیا۔
