اسلام آباد: وفاقی حکومت نے عوام پر ایک اور ٹیکس لگانے کا فیصلہ کرتے ہوئے بیرون ملک سے لائے گئے ایک موبائل پر بھی درآمدی ڈیوٹی کی چھوٹ ختم کرنےکافیصلہ کرلیا۔
ذرائع کے مطابق اب تک بیرون ملک سے ایک ذاتی فون لانے پرڈیوٹی نہیں تھی کیونکہ بیرون ملک سے لائے گئے ایک ذاتی موبائل فون کی رجسٹریشن کرانا ہوتی ہے تاہم وفاقی حکومت نے گذشتہ تین ماہ کے ریکارڈ اور اعدادوشمار کو مدنظر رکھ کر ٹیکس چھوٹ ختم کرنے کا فیصلہ کیا۔
ذرائع کا کہنا ہے کہ تین ماہ میں بیرون ملک سے لائے گئے دس لاکھ موبائل فون رجسٹرڈ کرائے گئے، کوئی بھی موبائل فون بیرون ملک سے لائے جانے پر امپورٹ یکم جولائی سےعائد کئے جانے کا امکان ہے، ذاتی استعمال کے ایک موبائل فون پر بھی ڈیوٹی ادا کرنا ہوگی۔
ذرائع کا کہنا ہے کہ ایک لاکھ یا زائد کے موبائل فون پر 65 ہزار روپے ڈیوٹی ادا کرنا لازمی ہوگا، ایف بی آر ٹیکس کی وصولی پی ٹی اے کے رجسٹرڈ موبائل فون کے ڈیٹا سے کرے گی۔
بشکریہ جیو نیوز
