ڈاکٹر ادیب رضوی کی طلبا کو زبردست نصیحت

کراچی: ممتاز معالج ڈاکٹر ادیب رضوی نے کہا ہے کہ طلبا انسانیت کی خدمت کے لیے کچھ وقت ضرور وقف کریں تاکہ انہیں انسانی زندگی کی اہمیت سمجھ آئے۔

ایس آئی یو ٹی کے سربراہ نے طلبا سے خطاب کرتے ہوئے کہا کہ انسانیت کی خدمت کے لیے ہم سب کو اپنی زندگی کا کچھ وقت ضرور وقف کرنا چاہیے تاکہ معاشرے میں انسانی خدمت و تعظیم کی اہمیت کو مزید اجاگر کیا جائے۔

فلاحی رضاکارانہ پروگرام میں تقسیم اسناد کی تقریب سے خطاب میں اُن کا کہنا تھا کہ فلسفہ خدمت دراصل مفت علاج ہے یعنی کسی بھی مریض کو ایسی مفت سہولیات دینا جس سے اُس کا عزتِ نفس مجروح نہ ہو۔

انہوں نے فلسفہ خدمت کے حوالے سے متعارف کرائے جانے والے پروگرام کی کامیابیاں بیان کرتے ہوئے بتایا کہ : ’’یہ پروگرام نوجوان نسل کو صحت و تعلیم کے مختلف تربیتی مراحل سے روشناس کراتا ہے، اب تک 6400 طلبا تربیت حاصل کرچکے اور مزید اس کے لیے تیار بھی ہیں۔

ایس آئی یو ٹی کی جانب سے متعارف کرایا جانے والا 52ویں بیچ کا پروگرام ایک ہفتے پر مشتمل میں جس میں کالج کے طلبا نے 30 گھنٹے وقف کیے اس دوران اُنہیں ادارے کی طبی سرگرمیوں کے حوالے سے آگہ کیا گیا جبکہ او پی ڈی، ڈائلیسز، کینسر، ٹرانسپلانٹ، ریڈیا لوجی سمیت دیگر بنیادی معلومات بھی دی گئیں۔

اپنا تبصرہ بھیجیں: