سیؤل: جنوبی کوریا سے تعلق رکھنے والی بین الاقوامی شہرت یافتہ گلوکارہ و اداکارہ نے خودکشی کرلی۔ پولیس حکام کے مطابق گوہارا کی لاش کمرے سے مردہ پائی گئی۔
پولیس کا کہنا ہے کہ گلوکارہ کے مرنے کے حوالے سے واقعے کی تحقیقات کی جارہی ہیں اور فی الحال کچھ کہنا قبل از وقت ہے۔ قبل ازیں رواں سال مئی میں بھی گلوکارہ نے اپنے انسٹاگرام اکاؤنٹ پر شب بخیر لکھ کر ایک پوسٹ شیئر کی تھی جس کے بعد 28 سالہ کورین اسٹار نے خودکشی کی کوشش کی تھی مگر خوش قسمتی سے وہ بچ گئیں تھیں۔
پڑوسی ملک جاپان کے ذرائع ابلاغ کے مطابق گوہارا کی خودکشی کی کوشش ناکام ہوگئی تھی جس کے بعد وہ کافی روز اسپتال میں زیر علاج بھی رہی تھیں۔ دوسری جانب گوہارا کے سابق قریبی دوست نے کورین اسٹار کی نجی تصاویر اور ویڈیوز سوشل میڈیا پر وائرل کرنے کی دھمکی دی تھی جس کے بعد گلوکارہ نے ان کے خلاف مقدمہ بھی درج کرایا تھا۔
