کراچی: پاکستانی اداکار احد رضا میر نے سجل علی کے ساتھ ترکی میں شادی کی خبروں پر خاموشی توڑ دی۔
احد رضا کے انٹریو کی ویڈیو سوشل میڈیا پر شیئر ہوئی جس میں انہوں نے اپنی اور اداکارہ سجل علی کی ترکی میں شادی کے حوالے سے سوشل میڈیا پر گردش کرنے والی خبروں کی تردید کی ساتھ کہا کہ ’میں اس پر کیا بولوں، یہ سب خبریں جھوٹی ہیں‘۔
اُن کا کہنا تھا کہ ’میں نے کبھی یہ بیان نہیں دیا کہ میں اور سجل شادی کریں گے، سوشل میڈیا پر بے بنیاد خبریں پھیلائی جارہی ہیں، اُنہوں نے کہا کہ ’شادی ضرور ہوگی لیکن ترکی میں ہوگی، یہ جھوٹ ہے۔‘ اداکار نے کہا کہ ’میں نے موبائل اُٹھایا اور جیسے ہی سوشل میڈیا استعمال کرنے لگا تو دیکھا کہ لوگوں نے پوسٹ شیئر کی ہوئی ہیں کہ احد اور سجل اگلے سال ترکی میں شادی کر رہے ہیں، مجھے یہ دیکھ کر بہت ہنسی آئی کہ لوگ ایسا کیوں کرتے ہیں۔‘
