قومی احتساب بیورو کا ایم کیو ایم کے سابق صوبائی وزیر کے گھر پر چھاپہ
عادل صدیقی کے گھریلو ملازمین اور اہل خانہ سے پوچھ گچھ
کراچی: قومی احتساب بیورو کی ٹیم نے ایک ہفتے قبل گلستان جوہر بلاک 2 میں ایم کیو ایم کے رہنما اور سابق صوبائی وزیر کے گھر پر گرفتاری کے لیے چھاپہ مارا۔
ذرائع کے مطابق نیب کی ٹیم نے عادل صدیقی کو گرفتار کرنے کے لیے گلستان جوہر کی رہائش گاہ پر چھاپہ مارا مگر وہ گھر پر موجود نہیں تھے، نیب ٹیم نے عادل صدیقی کے چوکیداروں اور اہل خانہ کے بیانات ریکارڈ کیے۔ چوکیدار نے نیب حکام کو بتایا کہ عادل صدیقی کئی سال سے ملک سے باہر ہیں۔
نیب ذرائع کا کہنا ہے کہ ’ایم کیوایم رہنما عادل صدیقی ریفرنس نمبر 6/2020 میں ملزم نامزد ہیں، احتساب عدالت عدالت نے ایم کیوایم رہنما عادل صدیقی کے ناقابل ضمانت وارنٹ گرفتاری جاری کررکھے ہیں‘۔
