پنجاب، خراب بس سے اتر کر دوسری بس کا انتظار کرنے والی خاتون 6 افراد کی درندگی کا نشانہ بن گئیں
لاہور: پنجاب کے علاقے شیخوپورہ میں واقع جڑانوالا روڈ پر تھانہ مانگٹا نوالا کی حدود میں چھ درندہ صفت ملزمان نے بس کے انتظار میں سڑک پر کھڑی خاتون کو اجتماعی زیادتی کا نشانہ بنا ڈالا۔
اے آر وائی نیوز کے نمائندے کا کہان تھا کہ سفاک ملزمان سڑک پرکھڑی خاتون سے اجتماعی زیادتی کرکے فرار ہوگئے، پولیس نے پانچ دن بعد مقدمہ درج کیا، البتہ اب تک کوئی گرفتاری عمل میں نہ آسکی۔ متاثرہ خاتون نے پولیس کو بیان ریکارڈ کرایا کہ بس خراب ہونے کے بعد وہ سڑک پر اتر کر دوسری گاڑی کا انتظار کررہی تھی کہ اس دوران کار سوار افراد نے اُسے لفٹ دینے کے بہانے اپنے ساتھ بیٹھایا اور نشہ آوز چیز پلا کر زیادتی کا نشانہ بنایا۔
پولیس حکام کے مطابق واقعہ 24 ستمبر کو پیش آیا جبکہ مقدمہ 29 ستمبر کو منگٹانوالا تھانے میں درج کیا گیا۔
