لاہور: وزیرمملکت برائے پانی و بجلی عابدشیر علی کا کہناہے کہ شرجیل میمن کو نیب کی چھترول ہوگی تو سب کچھ اُگل دیں گے۔
بلوکی پاور پلانٹ کے دورے کے موقع پر میڈیا سے کرتے ہوئے وزیرمملکت کا کہنا تھا کہ سابق صدر آصف علی زرداری پنجاب میں پناہ لیں یا کہیں اور جاکر بیٹھیں انہیں لوٹ مار کا حساب دینا ہوگا اور ان سمیت جس نے بھی اربوں روپے کی لوٹ مار کی انہیں عدالتوں اور عوام کا سامنا کرنا پڑے گا۔
عابد شیر علی کا کہنا تھا کہ جب تک ماڈل ایان علی جیل میں تھی تو پیپلزپارٹی کے تمام رہنماؤں کی زبانوں پر تالے لگے تھے اور ماڈل کے بیرون ملک جاتے ہی سی ڈی بیچنے والے بھی میدان میں آگئے ہیں اور چوہدری نثار کے خلاف باتیں کرتے ہیں وہ کچھ بھی کہیں ہم نے ملک سے چور، لٹیروں اور ڈاکوؤں کا خاتمہ کرنے کا عزم کررکھاہے، شرجیل میمن کو نیب کی چھترول ہوگی تو سب کچھ اُگل دیں گے،
