اسلام آباد : شہباز شریف نے خالد مقبول صدیقی کو فون کر کے ضمنی انتخابات میں حصہ نہ لینے کی درخواست کی ہے۔
ذرائع کے مطابق خالد مقبول صدیقی نےجواب میں کہا ہے کہ کراچی اور پنجاب کے سیاسی حالات میں فرق ہے، ایک فیصلہ دونوں جگہ کے لیے موزوں ہونا ضروری نہیں۔
خالد مقبول صدیقی نے کہا کہ متحدہ قومی موومنٹ پاکستان پہلے ہی بلدیاتی انتخابات سے بائیکاٹ کر چکی ہے۔
ذرائع کے مطابق خالد مقبول صدیقی نے وزیرِ اعظم کو رابطہ کمیٹی کی رائے جاننے کے بعد فیصلے سے آگاہ کرنے کا کہا ہے۔
خالد مقبول صدیقی نے وزیرِ اعظم شہباز شریف کو جلد رابطہ کمیٹی کا اجلاس بلانے کی یقین دہانی بھی کرائی ہے۔
