کراچی(نمائندہ خصوصی) ڈپٹی کمشنر/ایڈمنسٹریٹر ڈی ایم سی ایسٹ آصف جان صدیقی کی ہدایت پر میونسپل کمشنر ڈی ایم سی ایسٹ غلام سرور راہپوٹو نے افسران کے ہمراہ عاشورہ محرم کے جلوس میں شرکت کی اور نمائش چورنگی وگردونواح میں جلوس کے روٹس کا معائنہ کیا اس موقع پر انہوں نے کہا کہ ضلع شرقی کی حدود میں عاشورہ کے اہم جلوس ومجالس کا انعقاد ہوتا ہے خاص طور پر مرکزی نوعیت کے جلوس نشتر پارک سے برآمد ہوتے ہیں اس لئے خصوصی طور پر محکمہ بی اینڈآر اور ایم اینڈ ای اور دیگر محکمہ جات نے اپنی ذمہ داری سمجھتے ہوئے بہترین اقدامات کئے جس کی بدولت جلوس کے روٹس سمیت امام بارگاہوں کے گردونواح سڑکیں کلئیر اور راہیں روشن رہیں جبکہ تواتر کے ساتھ جراثیم کش ادویات کا چھڑکاؤ کیا گیا جس پر افسران قابل تعریف ہیں انہوں نے کہا کہ آئندہ بھی امید ہے کہ بلدیہ شرقی کے افسران ضلع شرقی کی بہتری کیلئے اپنا کردار ادا کریں گے دورے کے دوران اہل تشیع انجمنوں، تنظیموں اور جلوس ومجالس کے منتظمین نے ان سے ملاقات کی اور بلدیاتی خدمات کی بروقت فراہمی پر ڈپٹی کمشنر آصف جان صدیقی، میونسپل کمشنر غلام سرور راہپوٹو، اسسٹنٹ کمشنرز اور بلدیہ شرقی کے افسران کو زبردست الفاظ میں سراہا، دورے کے دوران ان کے ہمراہ ایگزیکٹیو انجنئیر ایم اینڈای امتیاز بھٹو، ایگزیکٹیو انجنئیر سول اقبال ملاح، سلمان میمن،ڈائریکٹر میونسپل سروسز توقیر عباس، ڈائریکٹر پارکس عبدالغنی شیخ، آغا سمیر ودیگر افسران بھی موجود تھے.
میونسپل کمشنر بلدیہ شرقی غلام سرور راہپوٹو کی عاشورہ محرم کے جلوس میں شرکت
