نوازشریف، زرداری، الطاف حسین کو پھانسی دینی چاہیے، نوشین شاہ کا پرویز مشرف کا دفاع

نوازشریف، زرداری، الطاف حسین کو پھانسی دینی چاہیے، نوشین شاہ کا پرویز مشرف کا دفاع

پاکستانی ڈرامہ انڈسٹری کی اداکارہ اور فیشن ڈیزائنر نوشین شاہ نے مشرف کو پھانسی کی سزا دینے کی مخالفت کرتے ہوئے کہا کہ نوازشریف، زرداری، مریم، بلاول اور الطاف حسین کو پھانسی دینی چاہیے۔

ایک روز قبل یوٹیوب چینل ناشپاتی پرائم کے پروگرام ٹو بی آنسٹ میں میزبان تابش ہاشمی کے ساتھ نوشی شاہ نے گفتگو کی، جس میں تابس نے بغیر بلائے شادی میں شرکت کا دو سے تین بار تذکرہ کیا۔ یاد رہے کہ نوشین شاہ کے بارے میں یاسر حسین نے بتایا تھا کہ وہ شادی میں بغیر مدعو کیے شریک ہوئیں تھیں۔

ایک موقع پر جب تابش ہاشمی نے اداکارہ سے سوال پوچھا تو انہوں نے پشاور ہائی کورٹ کے مرحوم جج کے فیصلے پر تنقید کرتے ہوئے کہا کہ ایک ایسے شخص کے خلاف جو آرمی چیف اور صدر رہا، جو پاکستان کی پہچان ہے اور دنیا اُسے جانتی ہے آپ کیسے پھانسی کی سزا سنا سکتے ہیں۔

انہوں نے کہا کہ اگر پھانسی دینی ہے تو نوازشریف، مریم شریف، زرداری، بلاول اور الطاف حسین کو دیں۔

اس پروگرام میں انہوں نے فواد چوہدری کو جنک فوڈ کا استعمال کم کرنے اور فردوس عاشق اعوان کو کم میک اپ کرنے کا مشورہ بھی دیا۔ پروگرام کی پوری ویڈیو دیکھیں۔

اپنا تبصرہ بھیجیں: