متحدہ کے بدنام زمانہ کلرز پی ایس پی میں‌ شامل ہوگئے، عشرت العباد

لاہور(ڈیلی پاکستان آن لائن)سابق گورنر سندھ عشرت العباد کا کہنا ہے کہ کراچی میں امن کا کریڈٹ سابق آرمی چیف جنرل راحیل شریف کو نہ دینا تاریخ جھٹلانے کے مترادف ہے،متحدہ کی بدنامی کا باعث بننے والے افراد مصطفیٰ کمال کے ساتھ شامل ہوگئے۔

تفصیلات کے مطابق عمرے کی ادائیگی سے واپسی پر میڈیا سے گفتگو کرتے ہوئے ان کا کہنا تھا کہ آئندہ الیکشن میں متحدہ لندن کے کردار کو نظر انداز نہیں کیا جا سکتا، پاکستان پیپلز پارٹی کے پاس کراچی کے مسائل سمجھنے کی اہلیت نہیں ہے۔ ایم کیو ایم میں ٹارگٹ کلرز اور بھتہ مافیا لوگ ملوث تھے جو اب پاک سر زمین پورٹی کا حصہ بن رہے ہیں۔

کراچی آپریشن کی کامیابی پر اُن کا کہنا تھا کہ شہر میں امن و امان کا سہارا صرف راحیل شریف کو جاتا ہے، سیاسی مقاصد کے لئے قومی کردار کو جھٹلانا بدیانتی ہے۔

اپنا تبصرہ بھیجیں: