دوسرا ٹیسٹ ملتان سے کراچی منتقلی کا فیصلہ

لاہور: پاکستان اور نیوزی لینڈ کے درمیان سیریز کا دوسرا ٹیسٹ میچ ملتان سے کراچی شفٹ کرنے کا فیصلہ کر لیا گیا۔

اس سلسلے میں چیئرمین پی سی بی نجم سیٹھی نیوزی لینڈ بورڈ کو بھی اعتماد میں لینگے۔ پاکستان اور نیوزی لینڈ کے درمیان سیریز کا دوسرا ٹیسٹ ملتان میں تین سے سات جنوری تک شیڈول ہے۔

ملتان میں دھند اور لاجسٹک مسائل کے سبب یہ ٹیسٹ میچ کراچی شفٹ کیا جارہا ہے۔

اس تبدیلی کا باقاعدہ اعلان نیوزی لینڈ کرکٹ بورڈ کی رضامندی کے بعد ایک دو دن میں کیے جانے کا امکان ہے۔