کراچی: ایم کیو ایم کے بعد پاکستان پیپلز پارٹی بھی وزیراعظم کے رویے سے نالاں ہے۔
ایک رپورٹ کے مطابق حکومت کی اتحادیوں کے بیچ دوریاں بڑھنے لگی، پیپلز پارٹی وزیراعظم سے جے یو آئی کو زیادہ اہمیت دئیے جانے پر نالاں ہے۔پی پی رہنماؤں نے قیادت کو وزیراعظم کے خلاف شکایات کے انبار لگا دئیے کیونکہ پیپلز پارٹی قیادت پر وزیراعظم کو پارٹی تحفظات سے آگاہ کرنے کے لیے دباؤ ہے۔
پی پی ذرائع کے مطابق خیبرپختونخوا میں پیپلز پارٹی کو مکمل نظر انداز کیا جا رہا ہے۔وزیراعظم پی پی اراکین کے ترقیاتی منصوبوں کو نظر انداز کر رہے ہیں جب کہ جے یو آئی ف کو دیگر اتحادیوں کی نسبت زیادہ نوازا جا رہا ہے۔وزیراعظم پی پی کی وزارتوں کے منصوبوں کو یکسر نظرانداز کر رہے ہیں اور وزارتوں کے منصوبوں کے افتتاح پر پی پی کے وزیر کو دعوت نہیں دی۔
