کراچی : سندھ ہائیکورٹ نے پی ٹی آئی رہنما حلیم عادل شیخ کے گھروں پر چھاپے مارنے پرنعیم عادل شیخ کی اینٹی انکروچمنٹ سیل حکام کے خلاف دائردرخواست جواب الجواب طلب کرلیا ۔
جمعرات کو سماعت کے موقع پر ایس ایچ او شاہراہ فیصل نے جواب جمع کرایا اور بتایا کہ پولیس افسر نور عالم کو فیصلے پر عمل درآمد کا پابند کیا گیا۔
عدالت نے شاہراہ فیصل ایس ایچ او کے جواب پر جواب الجواب طلب کرلیا وکلا نے عدالت کو بتایا کہ پیش نہ ہونے پر عدالت نے اینٹی انکروچمنٹ ڈیپارٹمنٹ حکام کو شوکاز نوٹس جاری کیا ۔
ڈائریکٹر اینٹی انکروچمنٹ ملک مرتضی تبسم کو شوکاز نوٹس دیا گیااسسٹنٹ ڈائریکٹر اینٹی انکروچمنٹ عبدالوحید کو بھی شوکاز نوٹس دیا گیا،ایس ایچ او فیضان کریم، پولیس اہلکار بابر، امام الدین کو بھی شوکاز نوٹس تھا،اینٹی انکروچمنٹ حکام عدالت میں پیش نہیں ہو رہے۔
عدالت نے کیس کی سماعت 11 جنوری کے لیے ملتوی کردی۔
