ریاض : سعودی عرب میں مکہ مکرمہ ، مدینہ منورہ ، جدہ اور دیگر شہروں میں موسلا دھار بارش کے باعث سڑکیں زیر آب آگئیں۔ گاڑیاں پانی میں بہنے لگیں ۔ پانی گھروں میں داخل ہوگیا،پانی کے باعث ٹریفک کا نظام درہم برہم ہوگیا۔ موسمیات کے قومی مرکز نے خبردار کیا ہے کہ جدہ، رابغ اور الکامل میں شروع ہونے والی موسلا دھار بارش کا سلسلہ منگل سہ پہر تک جاری رہنے کا امکان ظاہر کیا گیا۔
قومی مرکز مو سمیات نے کہا کہ مکہ مکرمہ، جدہ، الخرمہ، المویہ، تربہ، رنیہ، اضم، میسان، طائف، الکامل، رابغ، خلیص، عسفان، الجموم، بحرہ، اللیث اور الشعیبہ میں موسلا دھار بارش کے باعث سیلابی صورتحال کا خدشہ ہے۔بیان میں کہا گیا کہ بارش کا سلسلہ مدینہ منورہ، ریاض، حائل، القصیم، الجوف، الشرقیہ، حدود شمالیہ اور شمال مشرقی علاقوں تک پھیل جائے گا۔
بارش کے باعث بیشتر علاقوں میں ٹریفک کا نظام درہم ہرہم ہو گیا جبکہ جدہ میں بارش کے باعث4انڈر پاس عارضی طور پربند کردیئے گئے۔
