اسلام آباد (ڈیلی پاکستان آن لائن ) اسلام آباد میں منعقدہ قومی کتب میلے میں سٹیج سے گر کر جاں بحق ہونے والی شاعرہ فرزانہ ناز کو راولپنڈی میں سپرد خاک کر دیا گیا۔
میڈیا رپورٹس کے مطابق پاک چائنہ فرینڈ شپ ہال میں جاری کتب میلے کے اختتامی تقریب کے دوران 12فٹ اونچے سٹیج سے گر کر زخمی ہونے والی مصنفہ اور شاعرہ فرزانہ ناز ہسپتال میں دم توڑ گئی تھیں جنہیں سپرد خاک کر دیا گیا ہے۔
سٹیج سے گرنے کے باعث انکے سر اور ریڑھ کی ہڈی پر شدید چوٹیں آئی تھیں جس کے بعد انہیں شفا ءانٹر نیشنل ہسپتال منتقل کیا گیا۔انکا تعلق راولپنڈی سے تھا ۔
ہسپتال ذرائع کے مطابق بلندی سے گرنے کی وجہ سے فرزانہ ناز کی سر پر شدیدچو ٹیں آئی تھیں، مرحومہ کے پسماندگان میں6سالہ بیٹی اور 4سال کا بیٹا ہے۔
