کراچی: بھتے کی عدم ادائیگی، چھ ماہ کے دوران ایک ہی دکان پر تیسرا حملہ

کراچی: شہر قائد میں بھتہ خور ایک بار پھر سر اٹھانے لگے، اورنگی ٹاؤن میں واقع ندیم الیکٹرانکس کی دکان پر دستی بم حملے کے نتیجے میں مالک زخمی ہوگیا۔

تفصیلات کے مطابق اورنگی ٹاؤن میں واقع ندیم الیکٹرانکس پر بھتہ نہ دینے کی وجہ سے نامعلوم افراد نے آج دوپہر دکان کھلتے ہی کریکر پھینکا جس کے نتیجے میں دکان تباہ اور مالک زخمی ہوگیا۔

ذرائع کے مطابق چھ ماہ کے دوران ندیم الیکٹرانکس پر یہ تیسرا حملہ ہے قبل ازیں نامعلوم افراد بھتہ نہ دینے کے باعث اس دکان پر دو بار حملہ کرچکے ہیں۔

ویڈیو دیکھیں

واقعے کی الطلاع ملتے ہی پولیس ، رینجرز کی بھاری نفری جائے وقوعہ پہنچ گئی اور وہاں سے شواہد اکٹھے کرنے شروع کردیے، دکاندار نے اپنے تحفظات اور تمام تر صورتحال سے اعلیٰ افسران کو آگاہ کردیا ہے۔

اپنا تبصرہ بھیجیں: