ورلڈ بینک نے پاکستان میں عالمی بینک کے ممکنہ
آپریشنز کی منظوری میں تاخیر کی خبروں کو بےبنیاد قرار دے دیا۔ اس سلسلے میں پاکستان کے لیے کنٹری ڈائریکٹر ورلڈ بینک نے ایک اہم بیان جاری کیا ہے۔
اپنے بیان میں ان کا کہنا تھا کہ پاکستان میں عالمی بینک کے ممکنہ آپریشنز کی منظوری میں تاخیر سے متعلق پریس رپورٹس بےبنیاد ہیں۔کنٹری ڈائریکٹر ورلڈ بینک نے واضح کیا کہ ہمارے تمام مجوزہ آپریشنز اور ان کی رقوم سے متعلق بورڈ کی منظوری کی تاریخیں واضح ہیں۔
انہوں نے یہ بھی کہا کہ عالمی بینک مجوزہ منصوبوں کی تیاری کی بنیاد پر پروجیکٹ کی تجاویز کے تبادلے کے وقت کا فیصلہ کرتا ہے۔
