کراچی : پاکستان شوبز انڈسٹری کے معروف اداکار فیصل قریشی نے پاکستانیوں کا گوروں سے موازنہ کیا ہے۔فیصل قریشی نے انسٹا گرام پر اپنی ایک ویڈیو شیئر کی ہے۔اْنہیں اس ویڈیو میں انسان کی بنیادی اخلاقیات پر بات کرتے ہوئے دیکھا جا سکتا ہے۔
فیصل قریشی نے کہا کہ ایک صبح کو جب میں جم سے باہر نکل رہا تھا تو ایک پاکستانی میرے بھائی اندر آ رہے تھے۔
انہوں نے کہاکہ میں نے دروازہ کھولا وہ اندر آئے اور دوسری طرف منہ کر کے آگے چل دیے۔اتفاق سے اگلی صبح بھی جب میں جم سے نکل رہا تھا تو ایک گورے صاحب آ رہے تھے میں رْکا اور دروازہ کھولا، ان گورے صاحب نے 3 مرتبہ میرا شکریہ ادا کیا۔
فیصل قریشی نے کہا کہ ہمیں آسمانوں پر اْڑنے کا بہت شوق ہے ، بس زمین پر چلنے کی تمیز نہیں ہے۔
