کراچی : سابق وزیراعلی سندھ سید قائم علی شاہ کا کہنا تھا کہ عمران خان کواقتدار سے کسی نے نہیں نکالا بلکہ انکے اپنے کرتوں نے نکالا اور اب قومی اداروں پر تنقید کرکے اب عوام کے سامنے معصومیت کے آنسو بہانے کاناٹک کررہا ہے ،ان شااللہ آئندہ عام انتخابات میں پاکستان پیپلزپارٹی بھاری اکثریت سے کامیاب ہوکر وفاق اور صوبوں میں حکومت بنائےگی۔
انھوں نے سچل انجمن تاجران کے سرپرست اعلی نظیراحمد پھلپھوٹہ کی جانب سے منعقدہ تقریب سے خطاب کرتے ہوئے انہوں نے کہا کہ ان شاءاللہ کراچی میں پاکستان پیپلزپارٹی کا میئر ہوگا۔ انھوں نے کہا کہ تاجرملک کی معیشت میں ریڑھ کی ہڈی کی حثیت رکھتے ہیں اور سندھ حکومت کی کوشش کہ تاجروں کے بنیادی مسائل ترجیحی بینادوں پر حل کیے جائیں۔
تقریب میں ایم این اے ڈاکٹر سیدہ نفیسہ شاہ جیلانی کی سالگرہ کابھی کیک کاٹا گیا۔ اس موقع پر منیرمنگی ,مظہرخان,ابرار سومرو, ناصر بلوچ ودیگر بھی موجودتھے۔
