کراچی: ٰٓایم کیو ایم پاکستان کے اراکین قومی اسمبلی نے شہر کراچی کو ایک سوچی سمجھی سازش کے تحت اس شہر کو کھنڈرات میں تبدیل کرنے پر گہری تشویش کا اظہار کیا ہے۔
اپنے ایک مشترکہ بیان میں حق پرست اراکین صوبائی اسمبلی نے کہا کہ بجلی کے ساتھ ساتھ اب گیس کی غیر اعلانیہ اور طویل لوڈ شیڈنگ شہریوں کے ساتھ ظلم و زیادتی اور نا انصافی ہے کراچی کے شہری پہلے سے ہی کےالیکٹرک کی جانب سے لوڈ شیڈنگ کا عذاب جھیل رہے ہیں جو کے الیکٹرک کی نا اہلی کی بدترین مثال ہے کے الیکٹرک تمام تر دعووں کے باوجود نہ تو بجلی کی ترسیل کا نظام بہتر کر سکی ہے اور نہ ہی لائن کے نقصانات پر قابو پا سکی ہے اب جبکہ کچھ دنوں سے سوئی سدرن گیس کمپنی والوں نے رہی سہی کسر پوری کر دی ہےاوراس مہنگائی میں غریب عوام کی کمر توڑدی ہے۔
اراکین صوبائی اسمبلی نے مزید کہا کہ گیس کمپنی کی جانب سے لوڈشیدنگ خاص طور پر اس وقت کی جاتی ہے جب بچوں سمیت تمام لوگوں کے اسکول اور دفاتر جانے کا وقت ہوتا ہے لیکن بے چارے خالی پیٹ اسکول کالج اور دفاتر چلے جاتےلیکن ان کے پریشانیوں کو حل کرنے والا کوئی نہیں ہے شہری پہلے ہی بجلی پانی جیسے قیمتی چیزوں سے محروم ہو رہے ہیں اب ان کے اوپر ایک اور عزاب نازل ہوگیا ہے۔
اراکین صوبائی اسمبلی نے وزیر اعظم، وزیراعلی سندھ سمیت دیگر اعلی حکام سے اپیل کی کہ کراچی سمیت سندھ کے شہری عوام کو سوئی گیس کمپنی کی جانب سے غیر اعلانیہ لوڈشیڈنگ کا خاتمہ کریں اور سوئی گیس کمپنی عوام کو ریلیف فراہم کرنے کے بجائے مزید پریشانی کا باعث بن رہی ہےاگر عوام کے جائز مسائل حل نہیں ہوئے تو وہ اپنا محاسبہ خود کرنے لگ جائیں گے۔
